SUBIC BAY FREEPORT — Tampok ang Junk Journal Workshop at Acrylic Painting Workshop sa pagdiriwang ng “Salin-Sining: Where Heritage Connects” na itinataguyod ng grupong I-Pilipino sa Ayala Malls Harbor Point sa Subic Bay Freeport zone.

Sa pamamagitan ng pagsusulat, pagbuo ng journal at pagpipinta, nabigyan ng pagkakataon ang mga kalahok na maipakita ang kanilang pagkamalikhain at pagpapahalaga sa sining at kultura.

Layunin ng mga aktibidad na nag-umpisa noong Agosto 16 hanggang 23 na itaguyod ang malikhaing pagpapahayag at mapanatili ang pagpapahalaga sa sining at pamanang kultura.

(Mga larawan mula sa I-Pilipino)