Ang Pahayagan

Subic Bay Freeport Zone — Isang makulay at puno ng saya na pagdiriwang ang isinagawa sa Ayala Malls Harbor Point mula Oktubre 14 hanggang 19, 2025, tampok ang K-Home Festival: Life’s Good with Korean Technology, sa pangunguna ng LG Electronics at ADDESSA.

Sa nasabing kaganapan, nakapanayam sina Changhee Doh, LG Home Appliance Product Director; Yongwoo Park, LG TV Audio Product Director; at Sonia Canonizado, ADDESSA Vice President, na ibinahagi ang layunin ng festival—ang dalhin ang teknolohiyang Koreano at mga de-kalidad na produktong LG na mas abot-kaya para sa mga Pilipino.

Ayon kay Canonizado, “LG is not just a reliable brand, it’s a global brand. With the partnership with ADDESSA, we bring premium quality products closer to Filipinos at mas abot-kayang halaga. We give you a premium and affordable quality brand through the partnership of ADDESSA and LG.”

Samantala, ipinaliwanag naman ni Yongwoo Park na layunin ng K-Home Festival na ipakilala sa publiko sa Subic at Olongapo ang makabagong Korean lifestyle at teknolohiya. “Korean technology and lifestyle are now available and can be experienced through the K-Home Festival,” aniya.

_{Changhee Doh, Home Appliance Product Director – LG, Sonia Canonizado, Vice President – Addessa, Yongwoo Park, TV Audio Product Director – LG}

Sa loob ng anim na araw, dinumog ng mga mamimili at bisita ang Activity Center ng Ayala Malls Harbor Point upang makibahagi sa iba’t ibang aktibidad tulad ng dance entertainment, cosplay performances, exciting games, at instant prizes. Tampok din ang mga non-stop appliance deals, fun giveaways, at mga exhibit ng pinakabagong LG smart home at entertainment products.

Sa temang “From K-Pop Beats to K-Home Treats,” ang K-Home Festival ay nagbigay saya at inspirasyon sa mga Subiqueño at Olongapeño, ipinapakita kung paanong tunay na “Life’s Good” kapag may halong Korean innovation sa bawat tahanan.

Story By Marti Dumaguing