Ang Pahayagan

Iminungkahi ni House Assistant Majority Leader at Zambales 1st District Rep. Jay Khonghun na imbestigahan ang natuklasan ng Commission on Audit (COA) sa PHP12.3 bilyon sa umano’y hindi maayos na transaksyon sa pananalapi sa Department of Education (DepEd) noong panunungkulan ni Bise-Presidente Sara Duterte bilang kalihim.

Ang naturang mungkahi ay nakasaad sa isang news release ng mambabatas na nagsabing ang mga natuklasan ng COA umano ay magpapalakas sa kasong impeachment laban kay Duterte

Tinukoy rito ni Khonghun ang hinggil sa ginawang-audit ng COA noong 2023 na nakapuna sa kabiguan ng DepEd hinggil sa umano’y “failure to resolve notices of suspension, disallowance, and charge”, kung kaya’t naging dahilan upang lumaki mula PHP11.4 billion noong 2022 na naging PHP12.3 billion sa pagtatapos ng termino ni Duterte’s bilang education secretary Hunyo ng nakaraang taon.

“The red flags keep piling up. First, it was PHP125 million in confidential funds spent in just 11 days at the Office of the Vice President. Now, COA has flagged over PHP12 billion in unresolved transactions at DepEd under Duterte’s leadership. This isn’t just an oversight—it’s a pattern of seemingly financial mismanagement,” ani Khonghun.

Binanggit din ni Khonghun na ang Senado, na kumikilos bilang isang impeachment court, ay maaaring mag-subpoena sa mga rekord ng pananalapi ni Duterte para sa karagdagang pagsusuri.

“The COA report is just the tip of the iceberg. We need to follow the money. If the Vice President has nothing to hide, she should have no problem opening her financial records for scrutiny,” saad sa news release ni Khonghun.

Hinimok din niya ang Senate impeachment court na tiyakin ang aniya’y transparency sa mga gagawing paglilitis. (Ulat para sa Ang Pahayagan / JUN DUMAGUING)