Ang Pahayagan

SUBIC BAY FREEPORT—Binuksan na ang bagong pasilidad ng Bureau of Plant Industry (BPI)- Plant and Quarantine Service-Port of Subic Office sa Subic Bay Freeport.

Ang inagurasyon sa pasilidad ay dinaluhan ng Kalihin ng Kagawaran ng Pagsasaka na si Francisco Tiu Laurel, Jr.  gayun din ng mga opisyales ng Subic Bay Metropolitan Authority (SBMA) sa pangunguna ni Chairman and Administrator Eduardo Jose L. Aliño nitong Martes, ika-20 ng Agosto.

Gagamitin ang pasilidad upang mapagtibay ang plant quarantine services, at suportahan ang paglago ng agrikultura sa Gitnang Luzon. Layunin din rito na masigurado ang kaligtasan at kalidad ng pag-aagrikultura hindi lamang sa rehiyon kundi sa bansa.

“Today, we are making substantial progress in our aim to guarantee the well-being of our agriculture industry and the prosperity of our farmers,” saad ng Kalihim sa kanyang talumpati.

“The establishment of this new office in Subic holds a significant importance due to its position as a prominent center for trade and logistics. Let us continuously improve our border control system with increased efficiency and effectiveness,” ani Laurel.

Sinabi naman ni Aliño  na malaking tulong ang BPI-NPQSD  upang  masugpo ang smuggling ng agricultural products na pinadadaan sa Subic Bay Freeport.

Idinagdag pa niya na ang pagtutulungan ng mga ahensya tulad ng SBMA, DA at Bureau of Customs (BOC), ay nakabase sa hangarin ni Presidente Marcos na labanan ang agricultural smuggling, gayundin ang maisulong ang digitized government service upang masigurong naipatutupad ng mahigpit na border control.

Kabilang sa mga dumalo sa okasyon sina DA RFO III Regional Executive Director Dr. Eduardo L. Lapuz, JR, PQS Region III Regional Manager Ronnie Manuel, BPI Director, Gerald Glenn Panganiban, SBMA Chairman and Administrator, Eduardo Jose L. Alino, SBMA ,Department of Manager III Seaport Dept. Jerome M. Martinez, SBMA, Department Manager III, Land Asset Development Division,, Nolan T. Sudario, Bureau of Customs, District Collector, Port of Subic, Atty. Ricardo U. Morales II at BPI NPQSD Chief, Joan-May R. Tolentino.