Ang Pahayagan

MANILA—Ipinag-utos ni Pangulong Ferdinand “Bongbong” Marcos Jr., sa lahat ng kinauukulang ahensiya ng gobyerno ang pagtitipid sa kuryente gayundin ang pagtitiyak na may sapat na suplay ng kuryente sa bansa.

Ito ay makaraang magpahayag ang National Grid Corporation of the Philippines (NGCP) ng red at yellow alerts status kahapon kaugnay sa suplay ng kuryente sa Luzon at Visayas grids.

 “I have also directed all government offices to set the standard in conserving energy and minimizing power consumption,” pahayag ni Marcos.

Nauna rito ay ibinahagi din ng Department of Energy na naapektuhan ng matinding init ng panahon ang 31 planta, kabilang na ang Pagbilao Unit kung kayat nawalan ng 382 megawatts ang Luzon grid.

Nagbunsod ito upang atasan ni Marcos sa DOE na tutukan ang sitwasyon sa suplay ng kuryente at makipag-koordinasyon sa lahat ng stakeholders para matugunan ang sitwasyon.

“At this time, it is crucial that we all work together to ensure a stable power supply for the next couple of days. Let’s adopt energy-efficient practices and stand together to overcome this challenge,” saad ng pangulo.

Base sa NGCP idinedeklara ang yellow alert mula 1pm to 2pm; 4pm to 6pm; and 9pm to 11pm habang ang red alert status naman ay mula 2pm to 4pm; and 6pm to 9pm.

📸 NGCP