Ang Pahayagan

SUBIC BAY FREEPORT—Pansamantalang pinigil ng Bureau of Customs (BOC) – Port of Subic ang labing-limang 40-footer container van makaraang matuklasan na naglalaman ang ilan sa mga ito ng mga misdeclared agricultural products.

Napag-alaman ideneklarang mga frozen lobster balls at frozen Surimi crab ang nilalaman ng nasabing mga container van subalit sa isinagawang pagsusuri ay nakitang mga assorted na sariwang gulay tulad ng patatas, karot at, broccoli ang nasa loob nito.

Ang mga nasamsam na misdeclared agricultural products ay isasailalim sa seizure at forfeiture proceedings dahil sa paglabag sa Section 1113 kaugnay ng Section 117 ng CMTA at DA A.O. No. 09 Series of 2010, at DA A.O. No. 18 Series of 2000.

Ayon kay Acting District Collector Ciriaco Ugay ang pagsakote sa naturang mga produkto ay bahagi sa mahigpit na ipatupad ang customs at allied laws, rules and regulations.

“T𝘩𝘦 𝘪𝘯𝘵𝘦𝘳𝘤𝘦𝘱𝘵𝘪𝘰𝘯 𝘶𝘯𝘥𝘦𝘳𝘴𝘤𝘰𝘳𝘦𝘴 𝘵𝘩𝘦 𝘗𝘰𝘳𝘵’𝘴 𝘥𝘦𝘥𝘪𝘤𝘢𝘵𝘪𝘰𝘯 𝘪𝘯 𝘧𝘰𝘳𝘵𝘪𝘧𝘺𝘪𝘯𝘨 𝘵𝘩𝘦 𝘤𝘰𝘶𝘯𝘵𝘳𝘺’𝘴 𝘣𝘰𝘳𝘥𝘦𝘳𝘴 𝘢𝘯𝘥 𝘱𝘳𝘦𝘷𝘦𝘯𝘵𝘪𝘯𝘨 𝘪𝘭𝘭𝘦𝘨𝘢𝘭 𝘢𝘤𝘵𝘪𝘷𝘪𝘵𝘪𝘦𝘴 𝘵𝘩𝘢𝘵 𝘫𝘦𝘰𝘱𝘢𝘳𝘥𝘪𝘻𝘦 𝘰𝘶𝘳 𝘯𝘢𝘵𝘪𝘰𝘯’𝘴 𝘴𝘢𝘧𝘦𝘵𝘺 𝘢𝘯𝘥 𝘦𝘤𝘰𝘯𝘰𝘮𝘪𝘤 𝘴𝘵𝘢𝘣𝘪𝘭𝘪𝘵𝘺,” pagdidiin pa ni Ugay.

Kahapon ay muling ininspeksyon ang naturang mga kargamento kasama si Subic Bay Metropolitan Authority (SBMA) Chairman and Administration Jonathan D. Tan at kinatawan mula sa Department of Agriculture, Bureau of Plant and Industry. (Ang Pahayagan / JUN DUMAGUING)