Subic Bay Freeport – Pormal nang nagbukas ang Regus Subic center, ang kauna unahang hybrid workspace sa Zambales na matatagpuan ito sa ikalawang palapag ng The Gardens by Pacific Ace sa Subic Bay Freeport Zone.
Ayon kay Pacific Ace President Virginia Dio, ang shared workplace ay binubuo ng mga co working desk, meeting room, at pribadong opisina na nakapaloob sa isang Green Building.
“We provide a superior indoor environment that can enhance air and water quality to improve health, productivity, and the energy of the people in the premises. Such conditions are certainly conducive not only to its users but more importantly, to the environment,” ani Dio.
Pinangunahan nina International Workplace Group (IWG) Country Manager Lars B. Wittig at Pacific Ace Subic Bay Corporation (PASBC) President Dio ang ribbon cutting ceremony ng Regus Subic center sa Pacific Ace Building na dinaluhan din ni SBMA Chairman at Administrator Jonathan D. Tan at ilang opisyales nang naturang ahensya.
“Subic Freeport is a strategic location that we have targeted for expansion since the opening of Regus (shared workplace) in Clark Freeport in 2015. Clark is the gateway, driving from Metro Manila in the northern direction, and Subic is the logical extension that offers excellent logistics, free port and development zones in the same manner as Clark,” saad ni Wittig sa kanyang panbungad na pananalita.
Dagdag pa niya, ang pagdating ng Regus brand ng IWG sa Subic Bay Freeport ay asahan na din ang mas marami pang investments at development sa premier Freeport, na dahilan na rin sa magsisilbing “valued addition” ang lokasyon nito sa IWG network.
Ang IWG ay global leader sa hybrid solutions at workplace brands. Gamit ng naturang kumpanya hybrid working platform upang madagdagan ang pagiging produktibo, kahusayan, liksi at market proximity ng mga kliyente nito. Mayroon itong network coverage na 3,500 sa mahigit sa 120 mga bansa. (Ulat para sa Ang Pahayagan ni JUN DUMAGUING)
Ang Pahayagan 
Leave a comment