Ang Pahayagan

Ininspeksyon nina Subic Bay Metropolitan Authority (SBMA) Chairman and Administrator Jonathan D. Tan at Bureau of Custom-Subic Port District Collector Carmelita M. Talusan ang mga nakumpiskang fake luxury at branded products mula sa dalawang container vans na ipinasok sa Subic port nitong nakalipas na linggo.

Kabilang sa mga nasamsam ang 1,269 kahon ng mga pinekeng Balenciaga, Louis Vuitton, Adidas, Calvin Klein, Under Armour, Lacoste, GAP, Nike, Zara, at Reebok na idineklarang ordinaryong mga kamiseta lamang.

Bunsod nito ay nagpalabas na ng warrants of Seizure and Detention para sa naturang mga produkto dahilan sa paglabag sa  RA 8293 o ang Intellectual Property Code of the Philippines gayun na rin sa RA 10863 o ang Customs Modernization and Tariffication Act. (Ang Pahayagan photos / JUN DUMAGUING)