Ang Pahayagan

BATAAN–Nagsagawa ang Office of the Provincial Agriculturist, Pamahalaang Panlalawigan ng Bataan at Municipal Agriculture Office ng Dinalupihan katuwang ang Kagawaran ng Pagsasaka ng Technology Demonstration sa High Value Crops Production gamit ang Drip Irrigation System nitong ika-10 ng Marso sa Dinalupihan, Bataan.

Ang proyekto ay para sa paggamit ng mga modernong pamamaraan upang patuloy na umangat ang sektor ng agrikultura.

Pinangunahan ang aktibidad nina Bataan 3rd District Representative Hon. Maria Angela Garcia, Dinalupihan, Bataan Mayor German Santos, Provincial Agriculturist Engr. Johanna Dizon at OIC Municipal Agriculturist Engr. John Peter Subiaga kasama sina Agribusiness and Marketing Assistance Services Director Julibert De Sagun at Regional Technical Director for Operations and Extension and AMAD Dr. Eduardo L. Lapuz Jr.

Dumalo din sa aktibidad sina Project Development Officer IV Jose Jeffrey Rodriguez, Project Development Officer IV Atty. Joycel Panlilio, Senior Administrative III Kenneth Hizole, Regional High Value Crops Development Program (HVCDP) Focal Person Engr. AB David, Senior Agriculturist Carmencita Nogoy at HVCDP Report Officer Christine Joy Corpuz.

Binisita ng mga ito ang sakahan ng kamatis ni Ricky Naguiat, sakahan ng sibuyas ni Wilfredo Adriano at sakahan naman ng pipino ni Wilfredo Lutap bilang mga demo-farm ng proyekto kung saan nakita kung gaano kaganda ang Drip Irrigation System para sa mga ganitong mga produkto.

Samantala, dinaluhan din ng mga pribadong kumpanya ng binhi, at mga lokal ng magsasaka mula sa Dinalupihan, Hermosa at Morong ang nasabing aktibidad.

📸 DA Gitnang Luzon