Ang Pahayagan

SUBIC BAY FREEPORT- 25 mga estudyante mula sa iba’t-ibang paaralan sa lungsod ng Olongapo ang nabigyan ng pinansyal na ayuda ng kumpanyang Subic Enerzone nitong Lunes, Nobyembre 14.

Ayon kay Subic Enerzone General Manager Warell Kern Sario, ang mga nabiyayaan ng proyekto ay mga piling estudyante ng Grade 11 at Grade 12 na pawang may magandang scholastic record.

Ang mga napiling estudyante mula sa pampublikong paaralan ay tumanggap ng tig-P7,500, habang ang mga nagmula naman sa mga pribadong eskuwelahan ay nabigyan ng tig-P14,000.

“If you have students who excel academically, please contact our CSR contact person Jeff Figuerrez. There are plans to extend CSR to college students, hopefully we can see the light at the end of the tunnel with the plan,” saad pa ni Sario.

Bahagi din ng corporate social responsibility (CSR) ng Subic Enerzone ang iba pang mga proyekto katulad ng Special Science Elementary School scholarship. 📸Masayang tinanggap ng mga high school students na sina Mark Joseph Ardenio at Reina Valerie Rome ang kanilang financial assistance mula kina Subic Enerzone EVP/ General Manager Warrell Kern Sario, EVP for Customer Service and General Office Justin Jay Navarro, at Reputation Enhancement Supervisor Jeff Figuerrez. (Ang Pahayagan photo / JUN DUMAGUING)