Ang Pahayagan

ZAMBALES — Dinaluhan ni Agriculture Secretary Francisco Tiu Laurel, Jr. ang kauna-unahang “AgriTalk: Ugnayan Kamagsasaka” na ginanap sa Municipal Agriculture Office, nitong Martes, Oktubre 7, 2025 sa Barangay San Nicolas, Castillejos, Zambales.

Sa nasabing okasyon ay pinangunahan ni Tiu Laurel Jr. ang distribusyon ng mga agricultural machineries, farm inputs, extension services at iba pang tulong pang-agrikultura sa mga magsasaka sa Unang Distrito ng Zambales.

Ang AgriTalk: Ugnayan Kamagsasaka ay naglalayong patibayin ang ugnayan ng DA at mga lokal na pamahalaan sa pagpapatupad ng mga programa at serbisyong makatutulong sa mga magsasaka tungo sa mas produktibong kabuhayan.

Kasama sa mga dumalo sa programa at nakibahagi sa pakikipag dayalogo sa mga magsasaka sina Zambales Governor Hermogenes Ebdane Jr. at Castillejos Mayor Jeff Khonghun, Zambales 1st District Congressman Jay Khonghun.

Naroon din ang mga opisyales ng Department of Agriculture Region III na sina Dr. Eduardo Lapuz Jr. – Regional Executive Director of Region III, Dr. Arthur Dayrit – RTD for Operations and Extension and AMAD of DA Region III, Dr. Dionisio Alvindia – Director IV and Scientist IV at the PHilMech, at Dr. Wilfredo Cruz – Director of Bureau of Fisheries and Aquatic Resources.

Sinaksihan ang naturang okasyon nina Castillejos Vice Mayor Christian Esposo, Subic Mayor Jon Khonghun, at mga opisyal mula sa Pamahalaang Panlalawigan.

Naglibot din ang dumalong opisyal Kadiwa ng Pangulo at sa mga pasilidad ng itinayong  Municipal Agriculture Office at nagkaroon din ng mga libreng serbisyo tulad ng National Soil Health Program – Mobile Soil Laboratory.

📸 DA Central Luzon