Ang Pahayagan

ZAMBALES— Nagsagawa ang Department of Agrarian Reform (DAR)- Zambales ng kanilang program orientation alinsabay na rin ang pag-oorganisa ng Agrarian Reform Beneficiaries’ Organization (ARBO) sa Barangay Sacatihan sa bayan ng Subic.

Ang nasabing aktibidad ay pinangunahan ni Dana J. Domingo, OIC- head ng Program Beneficiaries Development Division (PBDD), na sa ilalim ng liderato ni Engr. Emmanuel G. Aguinaldo, ang Provincial Agrarian Reform Program Officer II ng DAR Zambales.

Dinaluhan ang okasyon ng may isandaa’t-anim (106) na mga target beneficiaries kung saan inilahad sa kanila ang mga programa ng DAR tulad ng Village Level Farms-focused Enterprise Development (VLFED), Development of Products, Marketing Assistance to ARBOs, Enhance Partnership Against Hunger and Poverty (EPAHP), Sustainable Livelihood Support for Disaster Affected Areas (SLDAA) at Major Crop-based Block Farm Productivity Enhancement (under Climate Resilient Farm Productivity Support).

Kasama din rito ang Farm Business School (FBS), Agri-credit and Microfinance, PBD Lawyering, Agrarian Reform Community (ARC) Development Plan, Formation of New ARBOs, Strengthening of Existing ARBOs, at Operationalization of Barangay Agrarian Reform Committee (BARC).

Naging lubos naman ang pasasalamat ng mga dumalo dahil ang ahensya ng DAR ay handa at bukas ang mga palad na sila ay tulungan anila sa kanilang mithiin para sa ikauunlad ng kanilang pamumuhay.