Ang Pahayagan

Para kay Senador Alan Peter Cayetano, isang magandang paraan upang palakasin ang primary healthcare system ng bansa ay ang pagtatakda ng sapat na bilang ng Barangay Health Workers (BHWs) sa iba’t-ibang bahagi ng bansa at itaas ang kanilang status mula volunteer sa pagiging empleyado ng mga lokal na pamahalaan.

Itinutulak ito ni Cayetano sa pamamagitan ng Senate Bill No. 68 o ang Mahal Ko, Barangay Health Worker Ko Law na inihain niya noong July 7, 2022.

Dahil sa kanilang napakahalagang serbisyo at kontribusyon nitong pandemic, sinabi ni Cayetano na dapat bigyan ng nararapat na insentibo, benepisyo, at tamang sahod ang mga BHW.

“During the COVID-19 pandemic, BHWs were notably at the forefront of response where they served as the bridgeway of communication between the health centers and constituents,” wika ni Cayetano sa explanatory note ng SB No.68.

Aniya, naging matulungin ang mga BWH lalo na sa pamamagitan ng “door-to-door delivery of medicines, assistance in the vaccination drives, participation in contact tracing efforts, among others.”

Dagdag niya, ipinakita ng COVID-19 pandemic ang kakulangan ng healthcare workers, pasilidad, at mga kagamitan sa bansa, lalo na sa mga liblib na lugar.

Upang tugunan ang problemang ito at palakasin ang healthcare system ng bansa, sinabi ni Cayetano na marapat lang na alagaan ng gobyerno ang kapakanan ng mga BHW.

“The goal of improving the Primary Healthcare System necessarily carries with it the responsibility of taking care and supporting those in charge of implementing the same,” aniya.

Sa pamamagitan ng SB No. 68, nais pataasin ni Cayetano ang katayuan ng mga BHW sa pamamagitan ng pagtakda sa kanila bilang mga empleyado ng Local Government Units (LGUs).

“BHWs hired… will receive all the compensation and benefits given by the city or municipality to its Job Order, Contractual, Casual, or Regular Employees,” paliwanag ng senador sa panukala.

Sa ilalim ng SB No. 68, magkakaroon ng koordinasyon ang Department of Health (DOH) at ang Department of the Interior and Local Government (DILG) upang maglikha ng isang Special Barangay Health Workers Assistance Program na magbibigay ng karagdagang tulong sa financial at technical assistance, training, at iba pang tulong sa mga mapipiling LGU para sa kanilang mga BHW.

“The program will prioritize assistance to LGUs that do not have or have little capacity to give regular and adequate salaries and allowances to its BHWs for the next 10 years, as determined by the DOH and DILG,” wika ni Cayetano.

Ayon sa senador, ginagawa na ang ganitong pag-alaga sa mga BHW sa lungsod ng Taguig at maaari itong gawin sa buong bansa.

“Aside from their regular salary, they receive bonuses and other benefits like training, overtime pay, and hazard pay. We have elevated their status to be formally employed under our LGU as Job Order (JO) and Casual Employees,” sabi niya.

“Such benefits should not be limited only in Taguig because all the Filipinos deserve the best social services. We should start properly compensating, assisting, and building up the skills of our health workers, because they are our backbone for the efficient delivery of our overall health system,” dagdag ng senador.